Berisha poston videon: Ndalimi i Tik Tok, akt ekstrem censure!

Kryetari i PD-së Sali Berisha postoi një video në profilin e tij në tij Tik Tok ku shprehet kategorikisht kundër mbylljes së kësaj platforme në Shqipëri.

Sipas Berishës ky është një akt ekstrem censure i kryeministrit Edi Rama dhe i bën thirrje qytetarëve të bëjnë statuse në rrjete sociale në mbrojtje të Tik Tok.

“Në një akt ekstrem censure, Edi Rama informoi dje se ka vendosur të bllokojë plotësisht platformën e Tik Tok-ut pasi sipas tij ishte ky një shkak madhor i vrasjes së nxënësit në shkollë. Mirëpo, kompania e Tik Tok thotë Berisha, informoi se, as i ndjeri Martin, as dhe vrasësi i tij nuk kishin llogari në këtë platformë”.

“Çfarë del? Kësaj i thonë njëlloj sikur, për të mos patur aksidente, të ndalojmë përdorimin e makinave, apo të ndalojmë përdorimin e rrugëve dhe këto janë absurditete. E vërteta është se, Edi Rama vendosi ndalimin e platformës së Tik Tok-ut vetëm e vetëm se, aksionet e tij në mediat sociale kanë rënë përtokë, siç dëshmojnë të gjitha sondazhet”.

“Së dyti, ai nuk i blen dot këto platforma, siç blen media tjera në Shqipëri”.

“Dhe së fundmi, jemi në prag të zgjedhjeve dhe nuk toleron dot negativitetet e pasqyruara nga qytetarët në këto platforma”.

“Duke ju garantuar se, platforma e Tik Tok-ut do të hapet menjëherë pas zgjedhjeve, ju ftoj të dashur miq, të postoni në llogaritë tuaja të Tik Tok, por edhe rrjeteve tjera sociale, statuse në mbrojtje të kësaj platforme dhe në dënim të censorit ekstrem, narkodiktatorit Edi Rama”.

@prof.dr.saliberisha Ndalimi i Tik Tok, akt ekstrem censure! #sb ♬ original sound – Sali Berisha

LEXONI GJITHASHTU:

• Mbyllja e TikTok, gazetari: Do e çojmë në Gjykatë Kushtetuese
• Rama: Tik Tok nuk do ketë më në Republikën e Shqipërisë, kur do të mbyllet