“Zjerm” shkon në Eurovision 2025, Shkodra Elektronike do të përfaqësojë Shqipërinë

Me këngën “Zjerm” Shqipëria do të marrë pjesë në Eurovision në vitin 2025 që do të mbahet në Bazel të Zvicrës.

Grupi “Shkodra Elektronike” ishte fituesja e edicionit të 63-të të festivalit të këngës që u vlerësua me 143 pikë, duke siguruar vendin e parë dhe mbështetje të madhe nga publiku dhe juria.

Elvana Gjata u rendit e dyta me këngën “Karnaval” dhe 135 pikë, ndërsa Alis mori çmimin e tretë me këngën “Mjegull”, duke marrë 59 pikë.

Në Festivalin e Këngës në Radiotelevizionin Shqiptar të 63-të u ndanë dhe dy çmime të rëndësishme nga juria, ai i Kritikës që shkoi për “Shkodra Elektronike”, ndërsa për çmimi për tekstin më të mirë shkoi për këngëtaren nga Kosova, Vesa Smolica, me këngën “Lutem”

Për herë të parë në festivalin e këngës që zgjati për katër netë me radhë me performancën e 30 artistëve pati një sistem të zgjeruar votimi, ku u përfshi dhe vota e diasporës.

Festivali i 63-të solli performanca të shkëlqyera dhe një konkurrencë të fortë mes artistëve të cilët prezantuan ritme të paharrueshme, duke dëshmuar pasionin e madh për muzikën dhe talentin e jashtëzakonshëm të artistëve shqiptarë.

LEXONI GJITHASHTU:

• “Do doja të isha aty”, Parashqevi Simaku përshëndet festivalin e këngës në RTSH
• Parashqevi në festivalin e RTSH-së, si e sheh Zhani Ciko rikthimin e saj