Kosovë| Vranë 8 civilë shqiptarë gjatë luftës, ngrihet aktakuzë ndaj 5 të pandehurve

Prokuroria Speciale e Kosovës ka ngritur sot aktakuzë në Gjykatën Themelore në Prishtinë Departamentin Special ndaj të pandehurve me iniciale D.C., D.N., M.SH., N.S. dhe S.J., nën dyshimet se gjatë kohës së luftës në Kosovë kanë kryer krime në rajonin e Gjilanit.

Pesë të pandehurit në bashkëpunimedhe me pjesëtarë tjerë të paidentifikuar të këtij grupi, të armatosur dhe të veshur me uniforma të kamufluara dhe uniforma jo të rregullta të policisë apo ushtrisë serbe, kanë marrë pjesë në vrasjen e 8 civilëve shqiptarë

Konkretisht dy nga këto viktima i kanë vendosur në grumbull drurësh, ku njëri nga ta është djegur për së gjalli, kishin rrahur, maltretuar, torturuar, plaçkitur, dëbuar popullatën civile shqiptare, veprime këto të sanksionuara sipas ligjeve vendore, zakoneve të luftës dhe konventave ndërkombëtare të Gjenevës dhe protokolleve shtesë.

Ndërsa, për të pandehurit me iniciale M.SH. dhe N.S., ekziston dyshimi i bazuar se gjatë zbatimit të urdhër-kontrolleve, janë gjetur në pronësi dhe posedim armë, në kundërshtim me ligjin, teksa të njëjtit kanë kryer veprën penale mbajtja në pronësi, kontroll ose posedim të paautorizuar të armëve.

LEXONI GJITHASHTU:

• Ngrihet aktakuzë në mungesë për krime lufte në Kosovë
• Konfirmohet rasti i parë me linë e majmunëve në Kosovë