Derbi i çmendur i Superkupës së Italisë, Milan përmbys Interin dhe rrëmben trofeun

Milani i trajnerit portugez, Serxho Konseisaos, bëri një përmbysje fantastike për të marrë trofeun prestigjioz, pas fitores 3-2 kundër Interit në një finale dramatike të zhvilluar në Riad të Arabisë Saudite.

Ndeshja nisi me Interin që u duk superior, duke zhbllokuar shifrat në minutën e 45+1, me një goditje të bukur të Lautaro Martinez nga brenda zonës që mposhti portierin Mike Maignan.

Por, pas një dëmtimi të Hakan Calhanoglu, në minutën e 34-të, u aktivizua Kristjan Asllani, i cili iu bashkua lojës. Pasi Interi mori një avantazh të dyfishtë në minutën e 50-të, me një gol tjetër nga Taremi, duke ngritur shpresat për një fitore të lehtë, milanistët nuk u dorëzuan.

Në minutën e 58-të, Teo Hernandez shkurtroi diferencën duke shënuar me një goditje të majtë të shkëlqyer nga një goditje dënimi, duke sjellë shpresë për Milanin. Më pas, Pulisic barazoi shifrat në minutën e 80-të, pas një aksioni të bukur që shpërbleu përpjekjet e skuadrës. Në minutat e fundit, ndërsa të dyja ekipet kërkonin të triumfonin, ishte Tammy Abraham që vendosi fitoren për Milanin me një gol të mrekullueshëm, duke siguruar një fitore të çmendur me rezultatin përfundimtar 2-3.

Një festë për Milanin dhe Serxho Konseisaon

Kjo fitore ka një vlerë të veçantë, pasi është e para e Konseisaos me Milanin që pason një karrierë shumë të suksesshme me Porton. Në ndeshjen e tij të dytë në krye të kuqezinjve, ai siguroi Superkupën e Italisë dhe e festoi këtë arritje me një emocion të madh. Milan, pavarësisht se nisi me një disavantazh të madh, tregoi forcë, karakter dhe guxim për të përmbysur gjithçka dhe për të rrëmbyer trofeun.

Kjo finale, që ofroi gjithçka – nga emocionet, golat e bukur dhe kthesat dramatike – do të mbetet në kujtimet e tifozëve të të dyja ekipeve si një nga finalet më të çmendura të Superkupës së Italisë!

LEXONI GJITHASHTU:

• Finalja e Superkupës së Italisë, Milan-Inter premton spektakël
• Drita jeshile për merkaton e janarit, disa nga lëvizjet më interesante