Ndeshja ndaj Romës ishte e fundit për Paolo Fonsecan, i cili tani mbetet pa skuadër, pasi drejtuesit e kuqezinjve vendosën ta shkarkojnë. Portugezi, i cili mori drejtimin e Milanit në nisje të sezonit, u pa teksa largohej me automjetin e tij pas një takimi që zgjati mbi një orë me presidencën, ndërsa konfirmoi për gazetarët që e prisnin jashtë stadiumit se gjithçka tani ka mbaruar: “Futbolli i tillë është.”
Duket se drejtuesit nuk e pranuan dot barazimin me Romën dhe me gjasa nuk është i vetmi rezultat që ka ndikuar, pasi Milani aktualisht renditet në vendin e 8-të dhe, nëse vijon me këtë ritëm, do të humbasë garat evropiane për vitin e ardhshëm. Në 17 ndeshje në Serinë A, Fonseca regjistron 7 fitore, 6 barazime dhe 4 humbje, me 27 pikë të grumbulluara.
Zëvendësuesi i tij nuk ka vonuar dhe do të jetë Sergio Conceição, i cili ishte aktualisht pa skuadër. Një njohje e vjetër për italianët, pasi më herët ka luajtur për gjashtë vite në periudhën që ishte futbollist, ndërsa si trajner, ekipi më i mirë që ka drejtuar ishte Porto, me të cilën u shkëput pak muaj më parë.
LEXONI GJITHASHTU:
- Champions League/ Inter merr humbjen e parë me Leverkusen, Reali mposht Atalantën
- Champions League/ Juventus “fundos” City-n, fitojnë Milani, Barcelona dhe Arsenali
