“Kemi folur”- Trump: Xi lider i fuqishëm, mund të shkojmë mirë

Presidenti i zgjedhur i SHBA-së, Donald Trump, ka deklaruar se ai dhe lideri kinez Xi Jinping kanë biseduar përmes përfaqësuesve të tyre.

Në një intervistë për emisionin konservator të Hugh Heëitt, Trump theksoi se është i bindur se të dy udhëheqësit do të arrijnë të zhvillojnë një marrëdhënie pozitive.

“Ne kemi folur tashmë. Ne kemi folur përmes përfaqësuesve të tyre,” tha Trump. Ai e përshkroi Xi si një njeri të fuqishëm dhe të respektuar në Kinë dhe shprehu optimizëm për marrëdhënien e ardhshme.

“Unë mendoj se ndoshta do të shkojmë shumë mirë, kështu parashikoj,” shtoi Trump, duke theksuar se një marrëdhënie e tillë duhet të jetë një rrugë me dy drejtime.

Ministria e Jashtme e Kinës ka reaguar duke vlerësuar rëndësinë e komenteve të Trump. Zëdhënësi i Ministrisë, Guo Jiakun, ka theksuar se Kina është e gatshme të promovojë zhvillimin e qëndrueshëm dhe të shëndetshëm të marrëdhënieve ekonomike dhe tregtare me SHBA-në, duke theksuar bashkëpunimin “ëin-ëin” dhe respektin e ndërsjellë.

Trump ka ftuar Xi dhe liderë të tjerë të huaj të marrin pjesë në inaugurimin e tij në Uashington më 20 janar, por ekspertët mendojnë se udhëheqësi kinez ka shumë të ngjarë të mos marrë pjesë.

Në administratën e tij të ardhshme, Trump ka emëruar disa figura të njohura për politikën e tyre kundër Kinës, dhe Sekretarin e Shtetit Marco Rubio.

LEXONI GJITHASHTU:

• Pse Trump kërcënon të marrë Kanalin e Panamasë dhe Grenlandën
• Trump përsërit thirrjen për të blerë Groenlandën