Agron Duka: Nuk do të kandidoj më për deputet

Kryetari i Partisë Agrare Ambientaliste, Agron Duka, ka bërë një deklaratë të papritur gjatë një konference për mediat në Kryesinë e Kuvendit, ku ka shpallur se nuk do të kandidojë më për deputet në zgjedhjet e 11 majit 2025.

Në fjalën e tij, Duka shprehu mirënjohjen për besimin që ka marrë nga qytetarët dhe mbështetësit gjatë karrierës së tij politike. Ai theksoi se është një moment reflektimi për të duke shtuar se ka vendosur që të tërhiqet nga gara për një mandat të ri si deputet ndërsa shtoi se do të japë kontributin e tij maksimal në çdo qark ku do të kenë kandidat për deputetë.

“Unë e kam thënë, unë nuk kandidoj më për Parlament, t’i hapet rruga të rinjve. Do jap kontribut maksimal në çdo qark ku do kemi kandidat për deputetë”, deklaroi Duka.

Duka theksoi gjithashtu se, ndonëse nuk do të kandidojë më për deputet, ai do të vazhdojë të mbetet i angazhuar në jetën politike të vendit.

LEXONI GJITHASHTU:

• Zëvendësoi Shehin si drejtues i “Aleanca për Ndryshim”, flet Agron Duka
• Agron Duka: Kam 1 vit e gjysmë që kam nisur fushatën, ja fitoret që pres