Liverpool thyhet në Kupën e Ligës, humbja e parë në 25 ndeshje

Tottenham ka triumfuar në përballjen e parë gjysmëfinale të Kupës së Ligës përballë Liverpool-it, ndërsa gjithçka u vendos nga një gol i Bergwijn, që mjaftoi për ta mbyllur me fitore në shtëpi. Me një paraqitje më pozitive se kundërshtari dhe dominuese, ashtu si më herët gjatë këtij sezoni, Liverpool-i nuk ia doli dot të marrë rezultatin që donte, duke shënuar humbjen e parë në 25 përballjet e fundit, ku konkretisht numëron edhe 20 fitore dhe 4 barazime, një rekord absolut nga të besuarit e Klopp.

Pjesa e parë u mbyll pa gola, por rastet nuk munguan. Në fraksionin e dytë, Tottenham-i ishte më i saktë në daljet përpara, ku në minutën e 76’ realizoi me Solanke, por goli u anulua për pozicion të parregullt. Më tej, do të ishte sërish ish-lojtari i Liverpool-it që do të asistonte për 18-vjeçarin Bergwijn, i cili u kthye në hero duke shtangur portierin kundërshtar me një gjuajtje të saktë nga brenda zonës.

1-0 dhe gjithçka do të vuloset në duelin e kthimit në Anfield, ku asgjë nuk është e pamundur, pasi Liverpool-i ka ditur më herët të përmbysë disavantazhet e ndeshjes së parë. Gjysmëfinalja tjetër është ajo mes Newcastle dhe Arsenal-it, ku në ndeshjen e parë fituan qymyrxhinjtë 2-0.

LEXONI GJITHASHTU:

• Vlerësohet më lart se Haaland, Broja spikat kundër City-it, nxjerr blof Phill Foden
• Premier League: Man City në krizë rezultatesh, Ruben Amorim debuton me barazim