Ishte nën efektin e drogës në timon, arrestohet 40-vjeçari: Qëlloi e kanosi policin

Një 40-vjeçar, i identifikuar si Elton Andreica (Muça) është arrestuar në flagrancë nga Policia e Vorës, pasi u kap nga uniformat blu teksa drejtonte automjetin nën efektin e lëndëve narkotike.

Krahas shkeljes së parë, 40-vjeçari akuzohet gjithashtu se kundërshtoi punonjësin e Policisë, duke e kanosur për shkak të detyrës.

Ngjarja ndodhi gjatë patrullimeve të zakonshme të Policisë në fshatin “Marikaj”, teksa shërbimet e Policisë vunë re një automjet të ndaluar në mes të rrugës, i cili po pengonte qarkullimin e mjeteve. Kur punonjësit e Policisë iu afruan dhe pyetën drejtuesin e automjetit, ai reagoi duke ofenduar, shtyrë dhe kërcënuar ata, si dhe tentoi të largohej, duke goditur automjetin e Policisë.

Pas testimit për drogë, rezultoi se ai drejtonte automjetin nën ndikimin e lëndëve narkotike. 40-vjeçari u arrestua dhe materialet iu kaluan Prokurorisë për veprime të mëtejshme ligjore.

40-vjeçari rezulton një person me precedentë të mëparshëm penal, i dënuar për “Vjedhje me dhunë”, “Vjedhje me armë” dhe “Armëmbajtje pa leje”. Gjatë kontrollit të shtëpisë së tij, Policia ka sekuestruar municion luftarak që ai posedonte.

LEXONI GJITHASHTU:

• Shpërndante kokainë në kryeqytet, arrestohet 28-vjeçari, i gjendet kanabis në banesë
• Arrestohet 24-vjeçari në Durrës, u kap në flagrancë me doza kanabisi gati për shitje