“Trump do t’i vërë kufirin Kurtit”, Këlliçi: Amerika është thelbësore për Kosovën!

Duke folur për fushatën zgjedhore që e pret Kosovën, në emisionin “Now” këtë të martë është diskutuar edhe për lidhjen e Amerikës me Kosovën apo qasja që ka Albin Kurtin me SHBA-në.

I ftuar në Euronews Albania, Reshard Këlliçi, anëtar i bordit të Dhomës Amerikane të Tregtisë, ka dhënë një pasyqrim të situatës duke theksuar se kufirin nuk e vendos Albin Kurti me amerikanin por anasjelltas.

“Do shikohet nëse qasja që do dhe ka synim Albin Kurti, a do i lejohet nga administrata. Kufirin e vendos Amerika jo Albin Kurti me amerikanin. Është bërë pjesë e retorikës së përditshme këtu, në Kosovë dhe kudo. Të njëjtit njerëz, duke bërë të njëjtat gjëra, duke menduar të njëjtat gjëra, presin rezultate të ndryshme, nuk ndodh, është përkufizimi i çmendurisë”, tha Këlliçi.

Ai ka cekur dhe trazirat e vitit 2008 në Kosovë që pasuan shpalljen e pavarësisë së saj, trazira të cilat Këlliçi nënkupton se mund të kishin zgjatur akoma më shumë nëse nuk do ishte Amerika.

“Që të presësh administratën e Trump të ketë pozicionim dhe të thotë se si do na përqaset ne Albin Kurti, nuk ndodh. Pa Amerikën 2008-ta mund të ishte dhe më vonë, por Amerika është thelbësore për Kosovën. Nuk e kuptoj se çfarë po bën gati Albin Kurti të ndryshojë në qasjen me Amerikën.

LEXONI GJITHASHTU:

• “Kurti mund të mos jetë Kryeministër”, Beqa bën deklaratën e fortë!
• Fushata në Kosovë, aktivisti Gashi: Pse Albin Kurti ka zgjedhur të mos dalë në media