Myrto Uzuni largohet nga Granada, klubi amerikan shpenzon 12 mln euro për ta marrë

Përplasjet me drejtuesit për shkak të rrogës e cila nuk ishte ajo që beratasi kërkonte bëri që Myrto Uzuni dhe Granada t’i japin dorën njëri-tjetrit pas 3 vitesh. Beratasi ka pranuar transferimin në MLS, ndërsa do të jetë pjesë e Austin, në elitën e futbollit amerikan. Lajmi është konfirmuar nga mediat atje, të cilat bëjnë me dije se kartoni i 29-vjeçarit kushtoi 12 mln euro. Kjo është ndër lëvizjet më të shtrenjta të futbollsitëve kuqezi, me Uzunin që largohet nga Granada si golashënuesi më i mirë jo spanjoll në historinë e ekipit.

Pak ditë më parë u konfirmua krisja mes palëve, pasi drejtuesit nuk e rishikuan kontratën e sulmuesit shqiptar, i cili kërkonte një rritje të pagës, por rezultoi e pasuksesshme. Uzuni refuozi të merrte pjesë në seancat stërvitore, duke shtuar edhe më tej presionin e pranoi kalimin tek Austin.

Mediat spanjolle pohuan se interes kishte dhe nga 2 skuadra të tjera, por duket se në aspektin financiar amerikanët i kanë ofruar më tepër lojtarit, por dhe klubit të cilët ndajnë rrugët pas plot vitesh dhe një aventure tejet të suksesshme.

LEXONI GJITHASHTU:

• Myrto Uzuni vendos rekord, shënuesi më i mirë i huaj në historinë e Granadës
• Rrëfehet Uzuni: Te Granada më adhurojnë, në Kombëtare dua të luaj si sulmues i dytë