Kosovë| Komisioni i Pavarur për Media zgjedh kryetarin e ri

Besnik Berisha është zgjedhur kryetar i ri i Komisionit të Pavarur për Media (KPM) këtë të premten, në një proces që u kundërshtua nga kryetari i tanishëm, Jeton Mehmeti.

Katër prej pesë anëtarëve të bordit të KPM-së votuan për ta zgjedhur Berishën për një mandat dyvjeçar, disa ditë para se t’i mbarojë mandati kryetarit të tanishëm, më 21 janar.

Sa i përket votimi ishte i fshehtë.

Këshilltarja ligjore në Qendrën Evropiane për Liri të Shtypit dhe Medias Flutura Kusari, e quajti “kompletim të kapjes” së KPM-së emërimin e Berishës, ndërsa Asociacioni i Gazetarëve të Kosovës (AGK) shprehu shqetësim me procesin e zgjedhjes së tij.

Komisioni i Pavarur i Mediave – i themeluar në vitin 2005 – është organ kompetent për rregullimin, menaxhimin dhe mbikëqyrjen e spektrit të frekuencave të transmetimit në Kosovë.

Anëtarët e KPM-së emërohen nga Kuvendi i Kosovës, ndërsa kryetari dhe nënkryetari zgjidhen me votat e fshehta të anëtarëve të KPM-së.

LEXONI GJITHASHTU:

• Banka Botërore mbështet Kosovën për investime në konkurrueshmëri
• SHBA dhe BE kundërshtojnë mbylljen e institucioneve paralele në Kosovë