I zhdukur në dhjetor, 36-vjeçari gjendet pajetë në një shtëpi të braktisur në Durrës

Trupi i pajetë i një 36-vjeçari është gjetur në një shtëpi të braktisur në Durrës, në lagjen nr.17. Burime policore konfirmojnë se vdekja e tij dyshohet të ketë ardhur si pasojë e mbidozës së lëndëve narkotike megjithatë kjo do të konfirmohet nga ekspertiza mjeko-ligjore.

I riu, i identifikuar si Flogert Koni, kishte humbur kontaktet me familjarët dhe ishte larguar nga shtëpia që prej ditëve të fundit të dhjetorit 2024.

Familjarët kishin bërë denoncimin në polici më 27 dhjetor 2024, pas humbjes së kontakteve me të.

Trupi i pajetë i Flogert Konit u gjet mbrëmjen e djeshme në një banesë pranë zonës që është e njohur si “shtëpia e baterive”.

Grupi hetimor vijon punën për zbardhjen dhe dokumentimin e plotë të ngjarjes.

LEXONI GJITHASHTU:

• Gjendet i masakruar me thikë në trup dhe fytyrë 82-vjeçari në Durrës
• Sekuestrohen në Durrës 670 mijë litra naftë kontrabandë nga Tunizia, 3 të arrestuar