Socialistët homazhe për 21 janarin, karafila në vendin ku u vranë protestuesit

Këtë të martë shënohen 14 vite nga demonstrata e 21 janarit, ku mbetën të vrarë katër protestues dhe u dhunuan shumë të tjerë.

Në nder të 4 viktimave ashtu si çdo vit tjetër në bulevardin “Dëshmorët e Kombit” u mbajt një ceremoni përkujtimore ku në mungesë të kryeministrit Edi Rama i cili është në një aktivitet jashtë vendit, morën pjesë kryeparlamentarja Elisa Spiropali, ministrja Balluku dhe Taulant Balla të shoqëruar nga figura të tjera të PS-së si dhe familjarët e 4 viktimave të 21 janarit.

Ata kryen homazhe në nder të Aleks Nikës, Ziver Veizit, Faik Myrtajt dhe Hekuran Dedës dhe vendosën lule në 4 pllakadat përkujtimore në bulevard.

Vendodosja e karafilëve të kuq dhe përkujtimi i tij u pri nga takimi i përvitshëm i familjarëve të viktimave të protestës së 21 janarit me qeverinë. Në mungesë të kryeministrit Edi Rama ata u pritën nga numri dy i qeverisë Belinda Balluku dhe anëtarët e tjerë të qeverisë.

Kryeministri Edi Rama e dha mesazhin e tij nga Zvicra ku po merr pjesë në Forumin e përvitshëm Ekonomik të Davosit. Akuzave të komentuesve në rubrikën “SY m’SY” kreu i qeverisë u përgjigjet me bërjen e reformës në drejtësi dhe përpjekjet që ajo duhet të bëjë për të zbardhur vrasjet e 14 vite më parë në bulevard.

LEXONI GJITHASHTU:

• 21 janari, Rama: Drejtësia vonon po nuk harron
• Vrasja e Aleks Nikës në protestën e 21 janarit, Gjykata e Strasburgut merr vendim