Rama takon Zelenskyn: Nënshkruam marrëveshje të rëndësishme për sigurinë

Kryeministri Edi Rama takoi në Davos, presidentin e Ukrainës, Volodymir Zelensky.

Përmes një postimi në faqen e vet në Facebook, Rama shprehet e me Zelenskyn kishin nënshkruar një marrëveshje të rëndësishme në fushën e sigurisë.

“Davos – Me Presidentin e Ukrainës, Volodymir Zelensky, nënshkruam një marrëveshje të rëndësishme në fushën e sigurisë”, shkruan Rama.

Por, Zelensky tha se Ukraina dhe Shqipëria nënshkruan marrëveshje “afatgjate për bashkëpunim dhe mbështetje mes dy vendeve tona”.

“Shqipëria i ka dhënë ndihmë ushtarake dhe humanitare Ukrainës prej se nisi pushtimi i plotë dhe do të vazhdojë ta mbështetë atë gjatë periudhës 10-vjeçare të marrëveshjes. Po ashtu, Shqipëria do të kontribuojë edhe në koalicionin e avionëve luftarakë”, tha Zelensky në X.

Elita politike dhe ekonomike e botës u mblodhën sot në resortin e sporteve dimërore zvicerane të Davos për Forumin vjetor Ekonomik Botëror.

Në edicionin e këtij viti marrin pjesë rreth 900 CEO dhe 60 krerë shtetesh dhe kryeministra.

LEXONI GJITHASHTU:

• Musk i vetëm, pse Ramaswamy nuk do të jetë pjesë e departamentit të rëndësishëm
• 21 janari, Rama: Drejtësia vonon po nuk harron