Paskal Milo për Janullatos: Personalitet që forcoi Ortodoksinë në Shqipëri dhe botë!
Humbja e jetës së kryepeshkopit Anastas Janullatos ka bërë që shumë njerëz, personalitete të reagojnë duke shprehur keqardhjen e tyre për humbjen e një figure dimensionale si Janullatos.
I ftuar në emisionin “Review” në Euronews Albania ishte historiani Paskal Milo i cili shprehet se personaliteti dhe përkushtimi i tij ka bërë që të ketë një dimension të tillë.
“Dimensioni i tij është kaq i madh si personalitet në fushat respektive ku ai ka dhënë kontributet e veta, saqë është e vështirë të thuhet me pak fjalë kontributet e tij. Është një figurë dimensionale. Është perosnaliteti më i madh që i ka ardhur komuniteteve fetare në Shqipëri për gjatë gjithë historisë së shteti të pavarur shqiptar.
Dimensioni i tij është i tillë për shkak të kulturës dhe përkushtimit dhe jetëgjatësisë së tij në krye të komuniteti Ortodoks shqiptar. E vlerësoj për thellësinë e mendimit filozofik që ai kishte dhe prodhimtarinë që kishte në fushën e interpretimit teologjik”, tha historiani.
Ndër të tjera, ai shton se personaliteti i Janullatos kishte një peshë jo vetëm në vendin tonë por dhe më tej, ndërkombëtarisht.
“Kryepeshkopi u vlerësua për nga pjesmarrja aktive që bënte në aktivitetet e ortodoksisë por dhe nga pesha dhe roli që ai kishte jo vetëm në Shqipëri, por edhe në planin ndërkombëtar.
Një personalitet i tillë me përmasa ndërkombëtare, ishte nder i madh që ishte kryepshkop i Kishës Ortodokse Autoqefale të Shqipërisë”, tha Paskal Milo.
LEXONI GJITHASHTU:
Rama publikon pamje me mbeturina nga Zvërneci: Kjo është parajsa që duan të mbetet e paprekur
Humbje diplomatike për Gjermaninë në OKB, Berlini ngre dyshime për ndikimin rus
SHBA njofton armëpushim të ri mes Izraelit dhe Libanit, kusht ndalimi i sulmeve të Hezbollahut
- 08:35 Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 08:30 Kina ndalon hyrjen e katër deputetëve të Zelandës së Re pas vizitës në Tajvan
- 08:27 Protesta e studentëve kundër masave shtrënguese në Kili, 25 të plagosur nga përleshjet
- 08:22 Kim Jong Un bëri thirrje për zgjerimin eksponencial të arsenalit bërthamor të Koresë së Veriut
- 08:17 Rubio: Anëtarësimi i Kosovës në NATO tani nuk është në krye të agjendës së aleatëve
- 08:13 Vritet një polic gjatë një operacioni në Maliq, plagoset një tjetër