Pezullohen nga detyra 3 punonjës policie në Korçë për shpërdorim detyre

Agjencia e Mbikëqyrjes Policore nga Rajoni Elbasan-Korçë, ka pezulluar nga detyra tre punonjës policie të Stacionit të Policisë Kufitare Pogradec.

Vendimi vjen nga Gjykata e Shkallës së Parë të Juridiksionit të Përgjithshëm Korçë që ka caktuar sigurisë “Pezullimi i ushtrimit të një detyre ose funksioni publik” për:

Punonjësin Ilirjan Turtulli, Nënkomisar, Specialist Shërbimi

Punonjësin Kudret Latollari, Inspektor, Trupë Shërbimi

Punonjësi Fatos Ismailaj, Inspektor, Trupë Shërbimi

Ata dyshohen për kryerjen e veprave penale “Falsifikim i dokumenteve” dhe “Shpërdorim i detyrës”. Nga hetimet e kryera është evidentuar se më 28 dhjetor 2024, këta punonjës policie kishin konstatuar shtetasit me iniciale E. P. dhe L. E. duke kryer peshkim të ndaluar në liqenin e Ohrit.

Punonjësit e policisë tashmë të pezulluar, dyshohet se kanë favorizuar aktivitetin e paligjshëm të këtyre individëve, duke përfituar në mënyrë të kundërligjshme.

Agjencia e Mbikëqyrjes Policore po vijon hetimet për zbardhjen e plotë të ngjarjes.

LEXONI GJITHASHTU:

• Arratisja e 2 personave nga Policia e Elbasanit, arrestohet 1 efektiv, pezullohen 3
• Gjirokastër| AMP arreston një punonjës policie dhe pezullon dy të tjerë