Deputetja e Partisë Demokratike paditet për shpifje në GJKKO

Deputetja e Partisë Demokratike, Albana Vokshi, është paditur për shpifje nga biznesmenja Vilma Nushi dhe shoqëria e saj “3P Life Logistic”.

Padia për veprën penale të shpifjes, sipas Nenit 120 të Kodit Penal, është ngritur pas deklaratave që Vokshi bëri si kryetare e Komisionit Hetimor Parlamentar të Shëndetësisë lidhur me dosjen e “Sterilizimit”.

Seanca e parë gjyqësore ishte planifikuar për këtë të enjte në Gjykatën e Posaçme për Korrupsionin dhe Krimin e Organizuar (GJKKO), e cila do të ofronte mundësinë që palët të pajtohen. Sipas burimeve, seanca është shtyrë për mungesë të palëve. Deputetja Vokshi, e cila ka një angazhim jashtë vendit, ka njoftuar se do të paraqitet në seancat e ardhshme për të sqaruar faktet dhe denoncimet që ka bërë në Komisionin Hetimor, që kanë çuar në padinë e ngritur nga Vilma Nushi.

Biznesmenja Vilma Nushi, përmes kompanisë së saj, ka fituar koncesionin e “Check Up”, një çështje që aktualisht është në hetim nga SPAK.

LEXONI GJITHASHTU:

• Biznesmenët italianë refuzojnë “Sterilizimin”, Vokshi: Do t’i drejtohemi policisë
• “Më akuzoni si hajdut”- Debate të forta te Sterilizimi, Beqaj përplaset me Vokshin