Me probleme psikike, kush është autori i sulmit me 11 viktima në Suedi

Rickard Andersson është identifikuar si i dyshuari për të shtënat masive në Suedi ku mbetën të vrarë 11 persona.

35-vjeçari akuzohet se ka kryer vrasjen masive më të rëndë në vend pasditen e së martës në qendrën arsimore të të rriturve Risbergska.

Raportet lokale thonë se ai vuante nga probleme të shëndetit mendor dhe jetonte vetëm.

Andersson iu refuzua vazhdimisht shërbimi ushtarak, tregojnë dokumentet nga Agjencia Kombëtare e Shërbimit Suedez.

Pavarësisht kësaj, atij i është lëshuar patenta për katër pushkë gjuetie.

Sulmi me armë zjarri që ndodhi një ditë më parë në kampusin e qytetit suedez Örebro shkaktoi vdekjen e 11 personave dhe plagosjen e gjashtë të tjerëve, në atë që kryeministri suedez e cilësoi si të shtënat masive më të rënda në historinë e vendit.

LEXONI GJITHASHTU:

• Sulmi me 11 të vrarë në Suedi, flamujt e BE-së ulen në gjysmështizë 
• Suedi| Dëshmitarët rrëfejnë tmerrin e sulmit të rëndë në shkollë