Cilat janë problemet kryesore të shqiptarëve para zgjedhjeve. Gjetjet e Barometrit

Në kuadër të matjes së parë lidhur me zgjedhjet politike të 11 majit 2025, nga datat 15-30 janar 2025 MRB-Hellas dhe Datacentrum ka realizuar procesin e mbledhjes së të dhënave me 1600 qytetarë.

Sipas matjeve të fundit të Barometrit në Euronews Albania, problemet kryesore të vendit janë: çmimet e larta, kostoja e jetesës, korrupsioni, papunësia dhe emigracioni.

Karahasuar me të njëjtën periudhë para zgjedhjeve të përgjithshme, 4 vjet më parë në janar 2021, problemet kryesore kanë ndryshuar pothuajse totalisht.

Në 2021 tre problemet kryesore ishin papunësia, korrupsioni dhe shëndetësia ndërsa sot ato janë çmimet e larta dhe kostoja e jetesës.

Korrupsioni vazhdon të mbetet në krye të listës së problemeve për shqiptarët, por në 4 vjet janë gjysma e shqiptarëve që e konsiderojnë të tillë.

A ka bërë qeveria sa duhet për dy problemet kryesore: çmimet e larta dhe koston e jetesës? Qytetarët janë të ndarë si më poshtë:

27.9% e tyre mendojnë se qeveria ka bërë më shume ose aq sa ka patur mundësi bazuar tek ekonomia e vendit.

Nga ana tjetër 41.3 % e qytetarëve mendojnë që qeveria ka bërë pak për çmimet dhe koston e jetesës, marrë parasysh mundësitë që ka patur dhe 30.8 % e tyre mendojnë që qeveria s’ka bërë asgjë për të adresuar këto dy probleme kryesore pavarësisht se ka patur mundësi për t’i zgjidhur.

LEXONI GJITHASHTU:

• Si e parashikojnë shqiptarët rezultatin e “11 majit”. Barometri zbulon shifrat
• Në ç’gjendje janë shqiptarët 96 ditë përpara zgjedhjeve. Barometri zbulon shifrat