Felix zbulohet si asi i ri i Milanit, kuqezinjtë eliminojnë Romën nga Kupa e Italisë

Milani ka arritur një fitore të rëndësishme në “San Siro”, duke mposhtur Romën 3-1 dhe siguruar kalimin në gjysmëfinalet e Kupës së Italisë.

Në takimin e zhvilluar në mbrëmjen e së mërkurës në kuadër të fazëz çerekfinale të Coppa Italia, Milani arriti të thyejë mbrojtjen e kryeqytetasve dhe të shënojë tre gola.

Heroi i ndeshjes ishte Tammy Abraham, i cili realizoi një dopietë personale, duke marrë shumë minuta lojë dhe shpërblyer me një paraqitje të shkëlqyer.

Anglezi shënoi dy gola në minutat e 16-të dhe 42-të, duke i dhënë avantazhin ekipit të tij në pjesën e parë. Në pjesën e dytë, Roma u ringjall pak pas golit të Dovbyk, i cili realizoi për të zvogëluar diferencën.

Megjithatë, skuadra e Milanit mbeti e qetë duke siguruar kalimin e Milanit mes katër skuadrave më të mira të turneut.

Lajmi tjetër i gëzueshëm për tifozët e kuqezinjve ishte debutimi i Felix, i cili shënoi golin e tretë në minutën e 72-të, duke dëshmuar se mund të jetë një element kyç për skuadrën në të ardhmen.

LEXONI GJITHASHTU:

• Milani “mbreti” i merkatos së janarit në Itali, godet në limite
• Derbi i Madoninës pa fitues, zikaltrit dominojnë ndaj Milanit! Ndalet Napoli