Derbi i Madoninës pa fitues, zikaltrit dominojnë ndaj Milanit! Ndalet Napoli

Si gjithmonë, derbi i Madoninës nuk zhgënjen, ashtu dhe të dielën spektakli ishte i pranishëm, rivalitet dhe raste të humbura, në fund 1 pikë që kënaq vetëm Milanin. Me Interin dominues, por kuqezinjtë që mbeten një kockë e fortë, panorama e derbit të Milanos ishte e tillë. Skuadra e Conceicaos e nisi më mirë takimin, duke shfrytëzuar të parën mundësi serioze, me Reijnders që ndali topin në rrjetë në një lëmsh para porte.

Pjesa e dytë pa Interin më kërkues, të vendosur për gol, dhe portierin Maignan që u kthye në tabelë qitje për kundërshtarin, i cili kishte pretendime për golin e anulluar si dhe penalltinë e padhënë. Në fund, De Vrij zgjidhi situatën duke rikthyer ekuilibrat dhe 1-1, me skuadrat që ndanë pikët.

Nga kjo situatë nuk përfitoi dot Napoli, që në mbrëmje u ndal nga Roma në Olimpico, në një ndeshje ku i kishte të gjitha mundësitë t’i largohej edhe më tepër Interit. Në pjesën e parë Spinazola kaloi përpara miqtë me një gol të bukur, por ashtu si në duelin derbi, Roma barazoi në limite me Angelinon, duke i prerë hovin napoletanëve, dhe dhënë një assist në distancë Interit.