Vrasja e Roland Rexhepit, Prokuroria e Elbasanit dërgon në gjyq një nga autorët

Prokuroria pranë Gjykatës së Shkallës së Parë të Juridiksionit të Përgjithshëm, Elbasan, ka përfunduar hetimet dhe ka dërguar në gjyq Donald Hoxhën, i akuzuar për veprën penale “Vrasje me paramendim” kryer në bashkëpunim, ndaj ish-efektivit të policisë, Roland Rexhepit ngjarje e ndodhur më datë 22.07.2009, në Elbasan.

Dondald Hoxha ishte shpallur në kërkim ndërkombëtar nga Interpol Tirana, pasi Gjykata e Shkallës së Parë e Juridiksionit të Përgjithshëm Elbasan i ka caktuar masën e sigurisë “Arrest në burg”, për veprat penale “Vrasja me paramendim” dhe “Mbajtja pa leje dhe prodhimi i armëve, armëve luftarake dhe municionit”.

Prokuroria pranë Gjykatës së Shkallës së Parë të Juridiksionit të Përgjithshëm, Elbasan vijon hetimet në lidhje me zbulimin dhe identifikimin e bashkëpunëtorëve të tjerë të mundshëm në lidhje me këtë ngjarje.