“Rama po mobilizon socialistët”, Muça: Veliaj lojtar i fortë skuadre

Gazetari Flogert Muça komentoi në emisionin Barometri në Euronews Albania qëndrimin e Kryeministrit Edi Rama pas arrestimit të kryebashkiakut të Tiranës Erion Veliaj me urdhër të SPAK.

Sipas tij, Rama me deklaratat e tij po mobilizon socialistët në prag të zgjedhjeve pasi Veliaj është një lojtar i fortë skuadre.

“Rama flet për të gjithë mbështetësit e tij, ai po thotë ju që më doni mua duhet të doni edhe Veliajn, audienca  e dytë shkon për të gjithë qytetarët dhe e treta ndërkombëtarët. Kosto politike ka gjithsesi. Nga ana tjetër, Veliaj nga goja e tij dhe e këtyre pankartave është model që Rama e shet si simbol të punëve të mira dhe Veliaj është lojtar i rëndësishëm skuadre që ai nuk e shmang dot nga loja. Ai flet me socialistët që iu thotë qetësohuni”, tha Muça.

LEXONI GJITHASHTU:

• Veliaj pritet të transferohet në paraburgimin e Durrësit
• GJKKO merr vendimin për Erion Veliaj dhe Ajola Xoxën