Porto dhe Roma ndahen në barazim, Galatasaray pëson një humbje të rëndë në Holandë

Mbrëmjen e së enjtes u zhvilluan ndeshjet e para të fazës Play-Off në Europa League, ku disa skuadra si Ajax, Fenerbahçe dhe AZ Alkmaar arritën fitore të rëndësishme. Ndërkohë, përballja mes Portos dhe Romës përfundoi në barazim.

Europa League luajti tetë ndeshjet e para të kësaj faze, ndërsa për shumë ekipe gjithçka mbetet e hapur për sfidat e kthimit, të cilat do të zhvillohen javën e ardhshme. Përballja më e spikatur, ajo mes Portos dhe Romës, përfundoi pa fitues, me rezultatin 1-1. Italianët kaluan në avantazh në pjesën e parë falë golit të Çelik, por në fraksionin e dytë, Moura barazoi shifrat për vendasit.

Humbja e mbrëmjes mund të konsiderohet ajo e Galatasaray-t, ekip që ka investuar ndjeshëm në Superligën turke. Në transfertën ndaj AZ Alkmaar, skuadra turke u mposht me rezultatin 4-1. Holandezët shënuan me Mijnans, Parrott, Clasie dhe Wolfe, ndërsa Galatasaray realizoi golin e nderit me Sallai-n. Me këtë rezultat, Alkmaar e sheh veten shumë pranë kualifikimit për në fazën e 1/16-ave.

Një paraqitje krejt ndryshe bëri Fenerbahçe, ekipi tjetër turk, i udhëhequr nga trajneri José Mourinho. Skuadra nga Stambolli siguroi një fitore bindëse 3-0 në shtëpi ndaj Anderlecht, falë golave të Tadić, Džeko dhe En-Nesyri.

Gjithçka mbetet ende e hapur për ekipet e tjera si Ferencváros, Ajax, Real Sociedad, Twente dhe Steaua Bukuresht, të cilat do të përcaktojnë fatin e tyre në ndeshjet e kthimit më 20 shkurt.

LEXONI GJITHASHTU:

• Champions League/ PSG përmbys sheikët e Manchester City-t, turpërohet Bayern Munich
• Reali triumfon me përmbysje, Juventus ia del në Torino