Ekskluzive, çfarë thuhet te Interi për Shqipëri-Serbi/ Thuram: Asllani mezi po pret

Gazetari shqiptar Grei Hasa, i cili jeton dhe punon në Milano, ka zbuluar ekskluzivisht për MAX Sport se në qendrën stërvitore të Interit diskutohej gjerësisht për ndeshjen mes Shqipërisë dhe Serbisë.

Sipas Hasës, mesfushori kuqezi Kristjan Asllani është i etur për këtë përballje dhe mezi pret të zbresë në fushë.

“Të enjten po intervistoja Marcus Thuram dhe sapo e kuptoi që jam shqiptar, më tha: ‘Po sa shumë e ndjeni ju shqiptarët ndeshjen me Serbinë!’,” ka rrëfyer gazetari.

Ai shtoi se biseda vazhdoi me një koment të Thuram për Asllanin: “Kristjan mezi po pret që të luajë në këtë ndeshje”.

Hasa e konfirmoi këtë atmosferë entuziaste mes futbollistëve, dhe i tha Thuram-it: “Eh, ta dish ti sa e ndjejmë ne këtë ndeshje”.

Përballjet mes Shqipërisë dhe Serbisë pritet të jenë dy nga sfidat më të nxehta dhe më të ndjekura, me një interes të jashtëzakonshëm nga tifozët shqiptarë dhe ndërkombëtarë.

LEXONI GJITHASHTU:

• Ekskluzive! Shqipëri-Serbi, do organizojnë finalet e Euro 2027! Vendimi të martën…
• Interi i bindur nga Asllani, refuzohet oferta nga klubi anglez