Tentoi të largohej pasi vodhi një makinë, arrestohet 40-vjeçari në Shkodër

Policia e Shkodrës ka finalizuar operacionin e koduar “Again”, duke kapur një 40-vjeçar në tentativë për të ikur me automjetin që sapo kishte vjedhur.

Pas marrjes së kallëzimit nga shtetasi me iniciale M. Zh., për vjedhjen e automjetit të tij, Policia e Shkodrës ka organizuar hetimet për identifikimin dhe kapjen e autorit.

Shtetasi me iniciale A. D., 40 vjeç, banues në Shkodër, është arrestuar mbrëmjen e djeshme në lagjen “Skënderbeg”, në momentin kur tentonte të largohej me automjetin e vjedhur. Ky shtetas është dënuar dhe më herët për veprën penale të vjedhjes.

Vijojnë hetimet për zbardhjen e vjedhjeve të tjera që mund të ketë kryer i arrestuari.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

LEXONI GJITHASHTU:

• Akuzohet për grup kriminal dhe trafik droge, arrestohet për tu ekstraduar 43-vjeçari
• Vodhi kartën e kreditit në një banesë dhe e përdori, arrestohet hajtudi serial