Informaliteti në punë mbetet i lartë, paga të ulëta dhe probleme me sigurimet

Afro gjysma e të punësuarve në vend marrin paga të ulëta dhe kanë probleme me pagesat e sigurimeve shoqërore. Këto kushte pune tregojnë për një nivel te larte informaliteti dhe pasiguri për te ardhmen e individëve.

47% e të punësuarve në Shqipëri nuk marrin një pagë të plotë. Sipas Organizatës Ndërkombëtare e Punës, atyre nuk u paguhen sigurimet shoqërore, marrin një pjesë të pagës të padeklaruar, ose përfitojnë rroga të ulëta.

Numri është i madh, dhe zakonisht këta punonjës punojnë në biznesin e familjes ose janë të vetëpunësuar, dhe paga e tyre varet në mënyrë të drejtpërdrejtë nga të ardhurat e realizuara.

Vendi ynë ka një normë të lartë të punësimit vulnerabël, pasi metodologjitë vendase konsiderojnë të punësuar punonjësit e bujqësisë për vetëkonsum.

Të dhënat nxjerrin në pah edhe një vlerësim për informalitetin, i cili deri në fund të vitit 2021 arrinte në nivelin 37% të ekonomisë.  

Për arsye të nivelit të lartë të punësimit vulnerabël, Shqipëria ka një përqindje të madhe të familjeve në rrezik të varfërisë, e cila përbën afro 25% të popullsisë.

Ndërkohë që ekonomia e Shqipërisë po rritet rreth 4%, shpërndarja e rritjes po bëhet e padrejtë, duke thelluar hendekun mes të pasurve dhe të varfërve.

LEXONI GJITHASHTU:

• “Pagat joreale krim ndaj pensionistëve”, Rama: Do ndërhyjmë për informalitetin
• Ekspertja e punësimit: Indianët paguhen më keq në Katar sesa në Shqipëri