Emri/ Arrestohet autori i vrasjes së 67-vjeçarit në Kurbin, sekuestrohet arma krimit

Policia ka vënë në pranga 53-vjeçarin Dashnor Tota, i cili dyshohet se vrau me armë zjarri një 67-vjeçar në fshatin Vilëz, Kurbin.

Ngjarja ka ndodhur pasidten e së hënës ndërsa pas një operacioni të gjerë në territorin e fshatit dhe zonat përreth, autoritetet arritën të lokalizojnë dhe kapin autorin e dyshuar të vrasjes.

Gjatë kontrolleve, në momentin e kapjes, Policia ka sekuestruar edhe armën e krimit, të cilën dyshohet se Tota e ka përdorur për të ekzekutuar 67-vjeçarin, Dodë Mamli, për motive pronësie.

Operacioni për kapjen e autorit u realizua nga Shërbimi Operacional i DVP Lezhë, në bashkëpunim me Forcën Kombëtare të Sigurisë dhe Njësinë Shkodër.

Në vijim të hetimeve, Prokuroria e Lezhës po mbledh prova dhe po dokumenton rrethanat dhe shkakun e vrasjes ndërsa paraprakisht dyshohet për një konflikt pronësie.

Pas përfundimit të hetimeve, materialet procedurale do t’i kalojnë Prokurorisë për veprime të mëtejshme.

LEXONI GJITHASHTU:

• Zbardhet vrasja në Kurbin: Identifikohet autori, e qëlloi për motive pronësie
• Po punonte tokën, u qëllua në kokë/ Detaje të reja nga vrasja e 67-vjeçarit në Laç