Aksidenti me 2 viktima në Paulesh, tre prej pesë të plagosurve dërgohen te Trauma

Tre prej pesë personave  të plagosur nga aksidenti i rëndë që ndodhi ditën e djeshme në aksin “Elbasan-Peqin” në fshatin Paulesh, janë në gjendje të rëndë teksa janë dërguar në Spitalin e Traumës për ndërhyrje të specializuar.

Nga ky aksident, për pasojë kanë humbur jetën nënë e bir, Fatbardha Shahini 55 vjeçe dhe Klodian Shahini 33 vjeç të cilët po udhëtonin në mjetin tip “Benz” kur janë përplasur me një furgon pasagjerësh drejtuar nga shtetasi Anesti Bufi, i dëmtuar gjithashtu.

Në aksidentin e ndodhur në Paulesh, mbetën të plagosur 5 persona, ndërkohë me dëmtime të lehta u paraqiten në spital edhe 9 të tjerë.

Ngjarja ndodhi si shkak i përplasjes së mjetit tip “Benz” me një furgon pasagjeresh për shkak të lagështisë në rrugë dhe shpejtësisë së mjeteve.

LEXONI GJITHASHTU:

• Aksident i rëndë në Elbasan-Peqin, humbin jetën nënë e bir, 5 të plagosur
• EMRAT| Identifikohen viktimat e aksidentit tragjik në Peqin, nënë e bir