Bie nga dritarja, humb jetën kampioni olimpik i mundjes dhe ish-deputeti i Putinit

Një ish-zyrtar rus, Buvaysar Saitiev, i cili ishte gjithashtu një kampion olimpik në mundje, ka humbur jetën pas një incidenti tragjik ku dyshohet se ka rënë nga dritarja e banesës së tij në Moskë.

50-vjeçari u gjet në gjendje të rëndë jashtë një ndërtese në rrugën Minskaya të dielën e kaluar.

Një roje në zonë që e gjeti ish-deputetin, tha se ishte e paqartë se çfarë kishte ndodhur, pasi Saitiev nuk kishte shenja të dukshme të lëndimeve apo gjakderdhje. Ai u dërgua menjëherë në spital me ambulancë, ku ndërroi jetë.

Indira Saitiev, e veja e tij, u shpreh se ajo besonte se burri i saj kishte rënë nga dritarja e katit të dytë të ndërtesës “rastësisht”. Ajo theksoi se Saitiev kishte pësuar disa dëmtime të brinjëve dhe legenit, por për shkak të lartësisë të vogël të rënies, dëmtimet nuk ishin aq të rënda. Sipas saj, Saitiev kishte pësuar më pas një arrest kardiak, duke shkaktuar vdekjen e tij.

Incidenti është pjesë e një serie të ngjarjeve të ngjashme, ku një numër politikanësh dhe biznesmenësh rusë kanë humbur jetën pas rënies nga dritaret, një fenomen që ka tërhequr vëmendjen e mediave ndërkombëtare.

LEXONI GJITHASHTU:

• Zelensky: Fundi i luftës me Rusinë është ‘shumë, shumë larg’
• Trump: Jam i vetmi President që nuk i dha Rusisë asnjë nga tokat e Ukrainës