I vendosi lëndë plasëse një biznesi në Fushë Krujë, identifikohet autori

Policia e Krujës ka zbardhet autorësinë e vënies së një sasie lënde plasëse, në murin rrethues të një biznesi në Fushë Krujë, të ndodhur 2 ditë më parë. Kristian Caka, 26 vjeç është shpallur në kërkim si autori i dyshuar i kësaj ngjarje.

Nisur nga hetimet e policisë, pasi shtetasi me iniciale D. M. njoftoi se gjatë natës së datës 05.03.2025, në murin rrethues të dyqanit të tij, në Fushë Krujë, kishte shpërthyer lëndë plasëse, që kishte shkaktuar dëme të vogla materiale, u mundësua identifikimi i autorit të dyshuar të rastit, Kristian Caka, 26 vjeç, banues në Krujë.

Policia ka gjetur dhe sekuestruar automjetin me të cilin autori lëvizi gjatë kryerjes së krimit.

Në vijim të veprimeve procedurale, 26-vjeçari u shpall në kërkim, për veprat penale “Shkatërrimi i pronës me eksploziv” dhe “Mbajtja pa leje dhe prodhimi i armëve, armëve shpërthyese dhe i municionit”. Ndërkohë po punohet intensivisht për lokalizimin dhe ndalimin e tij.

Materialet procedurale iu referuan Prokurorisë së Tiranës, për veprime të mëtejshme.

LEXONI GJITHASHTU:

• EMRI|Në kërkim për korrupsion e nxjerrje të sekretit, arrestohet në SHBA ish-oficeri
• Rama mbledh sot qeverinë dhe kryesinë e PS-së, zbardhet axhenda