Avokati amerikan i Veliaj nuk lejohet të ndjekë procesin në gjykatë si vëzhgues
Kryetari i Bashkisë së Tiranës, Erion Veliaj, u paraqit këtë të martë në Gjykatën e Apelit të Posaçëm, ku do të shqyrtohet ankimi i tij për masën e arrestit me burg.
Krahas mbrojtjes ligjore të Veliaj, në seancë tentoi të ishte i pranishëm dhe avokati amerikan, Joshua Roberts, i cili është kontraktuar nga Veliaj për të ndjekur procesin.
Burime për Euronews Albania bëjnë me dije se avokatit nuk iu lejua të merrte pjesë në rolin e vëzhguesit, siç ishte planifikuar nga mbrojtja e Veliaj.
Avokati mbërriti në Shqipëri të hënën dhe zhvilloi një takim me Veliajn në paraburgimin e Durrësit, ku pati dhe një deklaratë për mediat.
Ai shpjegoi arsyen e vizitës së tij në Shqipëri, ku theksoi se do të vëzhgonte procesin ndaj kryebashkiakut të Tiranës.
Deklarata e Avokatit Joshua Roberts:
“Jam Joshua Roberts, partner në një studio ligjore amerikane që këshillon Kryetarin Veliaj dhe jemi në dijeni për arrestimin e tij prej 10 shkurtit. Kam ardhur në Shqipëri në rolin e vëzhguesit. Sipas Kushtetutës dhe ligjit amerikan, akuzat penale ngrihen vetëm nëse ka një shkak të arsyeshëm, dhe ndalimi para gjyqit mund të ndodhë vetëm nëse ekziston një rrezik arratisjeje ose rrezik për shoqërinë. Procedurat që nuk respektojnë këto parime dhe kriteret e paqarta janë në kundërshtim me ligjin dhe me parimet e demokracisë. Nesër do të vëzhgoj argumentet për apelimin e lirimit me kusht të Kryetarit Veliaj. Nuk do të bëj asnjë koment tjetër për këtë çështje. Faleminderit”, tha avokati Roberts.
LEXONI GJITHASHTU:
“Të bashkuar në dhimbje, të bashkuar në detyrë”, mesazhi i shpërndarë nga punonjësit e policisë për kolegun e vrarë
Lamallari për ngjarjen në Maliq: Do të bëhet vlerësim i plotë dhe do të merren masat e duhura
SPAK shpall pretencën për një fraksion të dosjes “Revanshi”, kërkon 98 vjet burg për 7 të pandehur
- 12:55 Shpërthim tritoli në derën e një dyqani në Laç, panik te qytetarët
- 12:48 “Të bashkuar në dhimbje, të bashkuar në detyrë”, mesazhi i shpërndarë nga punonjësit e policisë për kolegun e vrarë
- 12:37 Vuçiç konfirmon se do të shkojë në Mal të Zi për samitin BE-Ballkani Perëndimor
- 12:13 Lamallari për ngjarjen në Maliq: Do të bëhet vlerësim i plotë dhe do të merren masat e duhura
- 12:12 SPAK shpall pretencën për një fraksion të dosjes “Revanshi”, kërkon 98 vjet burg për 7 të pandehur
- 12:10 Autobusi i linjës Durrës-Spitall përfshihet nga flakët në lëvizje