Tesla paralajmëron: Tarifat kundër prodhuesve amerikanë mund të dëmtojnë biznesin

Prodhuesi i makinave elektrike Tesla, i udhëhequr nga Elon Musk, njoftoi se tarifat kundër prodhuesve amerikanë mund të dëmtojnë biznesin e kompanisë.

Kompania thotë se SHBA duhet të shqyrtojë me kujdes politikën e saj tregtare, raportoi CNN.

Përfaqësuesit e Tesla-s i shkruan në një letër përfaqësuesit të Tregtisë së SHBA-së Jamison Greer se “si prodhues dhe eksportues amerikanë, ju nxisim të merrni parasysh ndikimet negative të disa veprimeve të propozuara të ndërmarra për të adresuar praktikat e padrejta tregtare”.

“Ndërsa Tesla njeh dhe mbështet rëndësinë e tregtisë së drejtë, vlerësimi i ndërmarrë nga Përfaqësuesi Tregtar i veprimeve të mundshme për korrigjimin e tregtisë së padrejtë duhet të marrë parasysh edhe eksportet nga Shtetet e Bashkuara,” thuhet në letrën e panënshkruar.

Ai paralajmëron se veprimet e mëparshme tarifore të SHBA-së kanë rezultuar në reagime të menjëhershme nga vendet e synuara, si rritja e tarifave për automjetet elektrike të importuara në ato vende.

Aksionet e Tesla kanë qenë në një rënie serioze kohët e fundit, duke fshirë fitimet e bëra në ditët pas zgjedhjes së Donald Trump si president, prej të cilit Elon Musk është një nga aleatët e tij më të mëdhenj.

Sipas Shoqatës Evropiane të Prodhuesve të Automobilave, shitjet e kompanisë në Evropë ranë me 45 për qind në janar.

LEXONI GJITHASHTU:

• Rriten aksionet e Teslas pas mbështetjes së Trump, ekspertët: Bojkoti do vijojë
• Trump: SHBA-ja do të etiketojë dhunën kundër shitësve të Tesla-s si terrorizëm