Zusi: Mungesa e laboratorëve për analizë, sjell rrezik për sigurinë ushqimore

Alban Zusi, tha në emisionin “Review” se për rastin e konstatimit të mishit më salmonelë, se ka një mungesë të laboratorëve që do të mund të kryenin analizat e duhura dhe të kuptohej nëse një produkt është i kontaminuar apo jo.

Ai shton rëndësinë e ndërtimit të sistemit, i cili nis që me sigurimin e ushqimit nëpërmjet pajisjes së laboratorëve.

“Ne nuk kemi sistem të sigurisë ushqimore. Ne nuk kemi në portin më të madh të vendit disa laboratorë për të bërë disa analiza. Një port kaq i madh duhet të ketë një laborator minimalist. Së dyti, në bazë të peshës specifike që operatorët kanë në treg dhe të problematikave që kanë në treg, vihen kushtet që duhet të kenë sistemin e tyre të vetëkontrollit.

Laboratorët nuk kanë kosto sepse nuk po bëhet analizë e detajuar. Minimalisht një laborator bazik duhet ta kenë detyrim.

Diçka nuk shkon me këtë rast sa të çojë në fshehjen e produktit. Sapo subjekti të konstatojë në një laborator që ka një lloj problemi, ka limite. Duhet të ketë normativë dhe këtu fillojmë dhe ndërtojmë sistemin.

NJë inspektor i duhur nuk mjaftohet vetëm me analizat e bëra nga AKU-ja, por duhet të ketë edhe analizat e vetëkontrollit”, tha Zusi.