Fier| Kanosi punonjësin e policisë, arrestohet 40-vjeçari me rrezikshmëri të lartë

Policia e Fierit ka arrestuar në flagrancë një 40-vjeçar, A. Xh., banues në Fier, i cili kishte një masë sigurie “Arrest në shtëpi” dhe ishte nën mbikëqyrje policore 24 orë.

Ai u arrestua për veprat penale “Trafikimi i armëve dhe municionit luftarak”, “Largimi i të burgosurit nga vendi i qëndrimit”, “Rrëmbimi ose mbajtja peng e personit”, dhe “Vrasja e punonjësve të Policisë së Shtetit”, e mbetur në tentativë.

Shtetasi A. Xh. kanosi, ofendoi dhe kërcënoi një punonjës të Policisë së Forcës Kombëtare të Sigurisë, Njësia Fier, i cili ishte në shërbim dhe mbikëqyrte këtë shtetas.

Materialet procedurale iu referuan Prokurorisë së Fierit, për veprime të mëtejshme.

LEXONI GJITHASHTU:

• Konflikt me 1 të plagosur, arrestohet 44-vjeçari i cili ishte prezent në vendngjarje
• Vidhet kasaforta e një biznesi në Lushnje, autorët aksidentohen dhe bien në kanal