Pamjet/ Momenti kur digjet autobusi i linjës Tiranë-Sarandë, shpëtojnë pasagjerët

Euronews Albanai ka siguruar pamjet kur autobusi i linjës Tiranë-Sarandë është përfshirë nga zjarri.

Ngjarja ndodhi paraditen e kësaj të shtune në dalje të tunelit të Kardhiqit ndërsa policia thotë se flakët kanë rënë kur autobusi ka qenë në lëvizje duke transportuar pasagjerët nga Tirana drejt Sarandës.

Pasagjerët i ka kapur paniku dhe por fatmirësisht të gjithë kanë dalë me shpejtësi dhe asnjë prej tyre nuk është lënduar.

Siç shihet dhe nga pamjet, flakët kanë përpirë totalisht autobusin, teksa një shtëllungë e madhe e tymit ka mbuluar zonën.

Sipas policisë shkak i flakëve dyshohet se është bërë një një defekt në motor, ndërsa brenda janë djegur edhe sende personale të pasagjerëve.

Delvinë/Informacion paraprak

Sot, rreth orës 11:40, pranë tunelit të Skërficës, dyshohet se, si pasojë e një defekti në motor, ka marrë flakë në ecje një autobus me udhëtarë, i linjës Tiranë-Sarandë, me drejtues shtetasin Gëzim Allkushi.

Si pasojë, janë shkaktuar vetëm dëme materiale dhe nuk ka persona të dëmtuar.

Grupi hetimor ndodhet në vendngjarje dhe po punon për zbardhjen e plotë të rrethanave të rastit.

Merr flakë autobusi në dalje të tunelit të Kardhiqit, shpëtojnë pasagjerët pic.twitter.com/bBmwaYCXDE

— Euronews Albania (@EuronewsAlbania) April 5, 2025

LEXONI GJITHASHTU:

• Merr flakë autobusi në dalje të tunelit të Kardhiqit, pasagjerët dalin dhe shpëtojnë
• Digjet një makinë në rrugën Kardhiq-Delvinë, dyshimet e para