“Ajo tani është në parajsë”, babai i Ilaria Sulës: Vrasësi duhet të kalbet në burg

Mes lotëve dhe dhimbjes nga familjarët, të afërmit dhe shoqëria e saj, iu dha lamtumira e fundit 22-vjeçares shqiptare, Ilaria Sula.

Ajo u masakrua me thikë nga ish-i dashuri i saj filipinas, i cili, pasi e vrau, e hodhi në një greminë dhe e futi në një valixhe.

Në varrezat e Ternit, për lamtumirën e fundit të Ilaria-s, ishin më shumë se tre mijë njerëz.

“Ilaria nuk e meritonte të përfundonte kështu. Tani duam drejtësi”, këto janë fjalët Flamur Sulës, babai i 22-vjeçares shqiptare.

“Ai duhet të kalbet në burg,” – tha ai.

“Ne i dhamë lamtumirën për herë të fundit vajzës sime Ilaria, e cila tani është lart në parajsë. Ajo nuk e meritonte këtë fund, sepse ishte me të vërtetë një fëmijë i artë, një engjëll,” shtoi ai, për të falënderuar më pas të gjithë policinë.

“Të gjithë njerëzit që erdhën, flasin të pikëlluar,” tha vëllai i saj, Leoni. Kur kryetari i bashkisë Terni, Stefano Bandecchi, përmendi faljen, një grua që merrte pjesë në funeralin bërtiti: “Burgim të përjetshëm.”

Babai i Ilarias, nënvizoi më tej: “Shpresojmë që drejtësia italiane të mos na japë fjalë të kota, si falje.” Në atë moment, thirrja “burg përjetë” e shoqëruar me duarrokitje të gjata.

LEXONI GJITHASHTU:

• Nëna nuk mbahet dot: O Ilaria o shpirti im, shqiptarja përcillet në banesën e fundit
• “O Ilaria ime ku je”- Shpërthen në lot e ëma e 22-vjeçares që u vra nga i dashuri