Alket Rizai kërkon lirimin nga burgu, çfarë vendosi gjykata greke

Lirimi me kusht i të dënuarit Alket Rizai nga Burgu i Domokosit në Greqi është shqyrtuar nga Këshilli Gjyqësor i Kundërvajtjes në Lamia të premten, më 11 prill 2025.

Kjo seancë erdhi pas kërkesës që shqiptari kishte paraqitur për të dalë nga burgu.

Megjithatë, çështja e 47-vjeçarit u shty për një shqyrtim të ri më 6 qershor 2025, për shkak të arsyeve procedurale.

Kështu deklaroi për “LamiaReport” një nga avokatët e tij, Kostas Nousas, pasi Rizai ishte transferuar përkohësisht në Qendrën e Paraburgimit të Korydallos.

Alket Rizai, është i njohur për 2 arratisje spektakolare me helikopter nga burgu i famshëm i Koridhalos, herën e parë në bashkëpunim me kriminelin Vassilis Paleokostas.

Ai është dënuar dy herë me burgim të përjetshëm, ndërsa dënimet e tjera për veprat e tij të shumta arrijnë në 25 vjet burgim.

Rizai është arrestuar në vitin 2003 dhe ka kaluar 21 vjet në burg.

Gjatë kësaj periudhe, ai është arratisur disa herë, por ka shijuar vetëm disa muaj lirie.

Pavarësisht kësaj, sjellja e tij në vitet e fundit ka lejuar që ai të marrë leje për të dalë nga burgu, siç ndodhi në janar të vitit 2021.

Në vitin 2021, gjatë një operacioni të Policisë së Lamisë për kontrollin e një automjeti të dyshimtë, u gjet edhe Alket Rizai, i cili kishte marrë leje 5-ditore nga burgu.

Pavarësisht se ishte në liri për një periudhë të shkurtër, ai u kap përsëri nga autoritetet.

Hera e fundit që Rizai u përball me autoritetet ishte një vit më parë, kur ai u gjykua nga Gjykata e Kundërvajtjeve për armë të improvizuara dhe celularë të gjetur në qelinë e tij.

Megjithatë, ai u shpall i pafajshëm në këtë rast.

LEXONI GJITHASHTU:

• Athinë| Arrestohet “Takis shqiptari”, mediat greke: Mafioz mizor, mik i Alket Rizait
• Grevat paralizojnë Greqinë, anulohen edhe fluturimet me Shqipërinë