Kush është miu? Rama i përgjigjet LaCivitës: Bravo që gjen budallenj që të paguajnë

Kryeministri Edi Rama, gjatë fjalimit në fushatën e PS-së për zgjedhjet e 11 Majit, iu është përgjigjur postimit të Chris LaCivita, drejtuesit amerikan të fushatës së PD-së, i cili shpërndau një video në platformën X, ku shfaqet një buf që ha një mi.

“Këneta thotë se anëtarësimi ynë në BE nuk është prioritet dhe se ai do të ndodhë sidoqoftë. Por prioritet sipas kënetës është kthimi i bufit për të tretën herë në krye të vendit, pasi në dy herët e mëparshme nuk e shkatërroi dhe rrënon mjaftueshëm Shqipërinë.

Për këtë prioritet bufi ka sjellë me kush e di se sa para që kush e di ku i ka gjetur, edhe një latif nga Amerika, latifi për të gjithë ne që jemi rritur në lagjet e Tironës të kujton atë të fortin e lagjes që qullësi poshtë pallatit shkon e thërret i thotë “hajde latif se ata do të më rrahin”. Latifi kishte publikuar dje një buf që hante një mi dhe kishte ngritur pyetjen se kush është miu.

Atij bravo i qoftë se të gjesh budallenj që të paguajnë gjithë ato para për të duartrokitur edhe kur ia fut asaj që nuk thuhet në atë farë feje është vërtet të kesh lindur me këmishë.

Për miun ka shumë kandidatë, që nga Luli i shkretë që harroi që ishte mi dhe u soll si ari dhe deri tek ai i shkreti nga Kavaja, fituesi i primareve të Tiranës që bufi e kullufiti si të ishte thjesht një mi”, tha Rama.

LEXONI GJITHASHTU:

• Hapja e fushatës së PS| Rama: Vetëm unë dhe PS mund ta mbrojmë reformën në drejtësi
• “Jo bëhet, jo s’bëhet, jo mundet, jo s’mundet”, Rama sulmon partitë e reja