Konferenca IV ndërqeveritare, Sikorski: Kapitujt e çelur sot jetikë për integrimin

Shqipëria zhvilloi sot konferencën e katërt ndërqeveritare në kuadër të procesit të saj të integrimit në Bashkimin Europian, ku i pranishëm ishte edhe kryeministri Edi Rama.

Ministri i jashtëm i Polonisë (vend që mban Presidencën e Këshillit të BE), Radosław Sikorski tha se grup-kapitujt e çelur sot janë jetikë për integrimin ekonomik të Shqipërisë në BE.

Ai përgëzoi vendin për përkushtimin në rrugën drejt Bashkimit Evropian, ndërsa theksoi faktin se shumica e shqiptarëve e shohin të ardhmen në BE.

“E mbyllëm 2024 me një vizitë në Shqipëri, në 2025 zgjerimi në BE ishte kryefjalë. Kapitujt që hapëm sot janë jetikë për integrimin ekonomik të Shqipërisë në Bashkimin Evropian. Përgëzojmë qeverinë Rama për përpjekjet tuaja në rrugën drejt BE-së. Dua të theksoj faktin që shumica dërrmuese e shqiptarëve mbështet rrugën tuaj dhe kjo është një shtysë pozitive për të përshpejtuar procesin. Përgëzoj Shqipërinë që është një partnere e besueshme në fushën e sigurisë, si aleate e NATO-s dhe për mbështetjen ndaj Ukrainës. BE-ja është e ardhmja e mirë, e sigurt dhe e begatë, të cilën e kemi përjetuar në Poloni që prej vitit 2004″, – tha Sikorsi.

LEXONI GJITHASHTU:

• Rrugës për në Luksemburg, Rama: Shqipëria, zonjë në sallonin e Bashkimit Europian
• Rama në Konferencën Ndërqeveritare me BE, hapet grup-kapitulli i dytë i negociatave