Vota e diasporës, nisen zarfet e para drejt vendeve ku janë regjistruar emigrantët

Zarfet e para për votuesit e Diasporës kanë nisur të dërgohen. Në bazë të të dhënave të Komisionit Qendror të Zgjedhjeve, deri mesditën e kësaj të marte 63,786 janë dërguar, me shtete si Italia, Greqia dhe Gjermania që sërish kanë numrin më të lartë të destinacioneve ku janë nisur zarfet.

Pas dërgimit në vendin ku janë regjistruar emigrantët nis edhe procesi tjetër ai i dorëzimit të fletëve të votimit në dorën e çdo votuesi të regjistruar në platformë.

Në këtë pikë, vlen të rikujtojmë tre mënyrat e vetme për të votuar: Votohet duke zgjedhur një parti dhe njërin nga kandidatët e asaj partie; votohet vetëm duke zgjedhur një parti ose koalicion të preferuar dhe votohet vetëm duke zgjedhur një kandidat në listat e hapura.

Çdo mënyrë tjetër votimi, p.sh një parti x dhe kandidatin x të një partie tjetër do e bënte fletën e votimit të pavlefshme.

LEXONI GJITHASHTU:

• Votimi nga diaspora, Celibashi: Zarfet do ju dorëzohen individëve, jo familjarisht
• Mbërrijnë votat e diasporës, posta mbledh zarfet e para, pritet të shprehen 102 mijë votues