Gjenerali i lartë rus vritet në një makinë bombë pranë Moskës

Në shpërthimin e një mjeti shpërthyes të improvizuar në një makinë pranë Moskës, ka humbur jetën sot zëvendëskomandanti i Drejtorisë për Operacionet Kryesore të Shtabit të Përgjithshëm të Forcave të Armatosura Ruse, Yaroslav Moskalik, sipas mediave ruse.

Komiteti Hetues njoftoi gjithashtu se ishte hapur një çështje penale për vrasjen e gjenerallejtënant. Agjencia saktësoi se në makinë shpërtheu një mjet shpërthyes me copëza.

Makina që shpërtheu në vendbanimin Balashiha nuk ishte e regjistruar në Inspektoriatin Shtetëror të Sigurisë së Trafikut, ajo mund të ishte blerë posaçërisht për një sulm terrorist, sipas kanalit Telegram të portalit Readovka.

Makina e vjetër, nën të cilën ishte vendosur një eksploziv i improvizuar, është shitur këtë vit. Sipas Readovka, ish-pronari e regjistroi makinën në janar.

LEXONI GJITHASHTU:

• Rusia paralajmëron Perëndimin: Nëse na sulmojnë, do të përdorim bombën atomike
• Zelensky: Ukraina nuk po sheh presion ndaj Rusisë për të përfunduar luftën