Mbi 36 mijë emigrantë kanë votuar, më shumë zarfe nga Italia dhe Gjermania

Votimi i diasporës është futur tashmë në javën e dytë që nga dërgimi i zarfeve të parë dhe kthimi i tyre në Shqipëri.

Nga 245,935 zarfet e dërguara, 164,022 janë marrë në dorëzim nga votuesit jashtë vendit. Ndërkohë që mbi 36 mijë prej tyre tashmë e kanë sjellë votën e tyre në Shqipëri.

Bie në sy, që ashtu siç ndodhi në procesin e regjistrimeve për të votuar nga jashtë vendit, ku numrin më të lartë e pati Italia, edhe këtë herë për votën e kthyer në Shqipëri, sërish udhëheqin emigrantët e Italisë.

Pas tyre është Gjermania dhe SHBA me më shumë zarfe të kthyera në Shqipëri dhe, bie në sy një numër i ultë i emigrantëve në Greqi që është pse u regjistruan në shifra të larta, sërish kanë votuar shumë pak deri më tani. 

Ndërkohë që qarku për ku kanë ardhur më shumë vota nga diaspora deri më tani është Durrësi që lë pas Elbasanin, Tiranën dhe Beratin.

Në këto ditë të para të dërgimit të zarfeve në diasporë, nuk kanë munguar edhe rastet kur qytetarë të ndryshëm në diasporë kanë denoncuar mos respektimin e protokollit për marrjen e fletës së votimit nga ana e postierit në vendin ku ata jetojnë. 

LEXONI GJITHASHTU:

• Nis votimi i diasporës, Celibashi tregon shifrat: Zarfet e para vijnë sot në Tiranë
• Votimi nga diaspora, Celibashi: Zarfet do ju dorëzohen individëve, jo familjarisht