LIVE| Bota nderon Papa Fraçeskun, mbahet ceremonia mortore në Vatikan

Ka nisur në orën 10:00 ceremonia mortore e Papa Françeskut, i cili do të varroset Baziliken Santa Maria Maggiore. Procesioni i kardinalëve në Bazilikën e Shën Pjetrit shënoi fillimin e ceremonisë mortore.

Arkivoli i kreut të Kishës Katolike u mbajt mbi supe nga sediarët, duke dalë nga Bazilika e Shën Pjetrit. Sheshi shpërtheu në duartrokitje. Mbi arkivolin e Papës Françesku është vendosur Ungjilli i hapur.

10 mbretër dhe mbretëresha, 50 krerë shtetesh, 23 kryeministra, delegacione nga 160 vende, rreth 4000 meshtarë dhe të paktën 120 delegacione me përfaqësues fetarë nga e gjithe bota janë të pranishë në ceremoni.

Në këtë ceremoni historike morën pjesë 160 delegacione zyrtare nga e gjithë bota.

Delegacioni nga vendlindja e Papës, Argjentina, udhëhiqet nga Presidenti i Republikës, Javier Milei, ndërsa delegacioni italian përfaqësohej nga Presidenti Sergio Mattarella, vajza e tij Laura Mattarella dhe Kryeministrja Giorgia Meloni.

Shqipëria përfaqësohet nga Presidenti Bajram Begaj dhe Ministri për Evropën dhe Punët e Jashtme, Igli Hasani.

Sipas protokollit të renditjes së vendeve, të vendosur në parvisin e Bazilikës së Vatikanit, personalitetet u renditën në bazë të alfabetit francez, gjuha zyrtare e diplomacisë ndërkombëtare.

Në mesin e liderëve të pranishëm ishin gjithashtu, presidenti amerikan Donald trump, i shoqëruar nga bashkëshortja,  Presidenti i Gjermanisë, Frank Ëalter Steinmeier bashkë me Kancelarin Olaf Scholz; Presidenti i Brazilit, Luiz Inacio Lula da Silva; Presidenti i Francës, Emmanuel Macron me bashkëshorten Brigitte; Presidenti i Hungarisë, Tamas Sulyok, bashkë me Kryeministrin Viktor Orban; si dhe Presidenti i Ukrainës, Volodymyr Zelenskyy me bashkëshorten Olena.

Bashkimi Europian përfaqësohej nga Presidenti i Këshillit Europian, Antonio Costa, Presidentja e Komisionit Europian, Ursula von der Leyen, Përfaqësuesja e Lartë për Punët e Jashtme, Kaja Kallas, dhe Presidentja e Parlamentit Europian, Roberta Metsola.

Ndërkohë, Organizata e Kombeve të Bashkuara përfaqësohej nga Sekretari i Përgjithshëm, Antonio Guterres, ndërsa Kina ishte e përfaqësuar nga nënpresidenti Chen Chin-Jen.

Sheshi Shën Pjetër është pothuajse i mbushur me kapacitetin maksimal prej 50 mijë vetash.Vlerësohet se rreth 100 mijë persona të tjerë ndodhen tashmë përgjatë rrugës “Via della Conciliazione” dhe në rrugët hyrëse drejt sheshit.