Energjia e vjedhur nga abonentët: Faturohen 111 mln lekë, shumica në Shkodër e Kukës

111 milionë lekë është vlera e faturuar për energjinë e vjedhur nga 507 abonentë gjatë vitit 2024. Faturimet e lëshuara nga OSHEE, përfshijnë dëme të shkaktuara nga ndërhyrjet e paligjshme në matësit e energjisë elektrike, lidhje të paautorizuara në rrjet ose manipulime në pajisjet matëse.

Numri më i lartë i atyre që kanë vjedhur energji elektrike është regjistruar në rajonin e Shkodrës, me 143 konsumatorë. Më pas vjen Kukësi, me 86 faturime dhe Burreli me 64. Ndërkohë, numri më i ulët është shënuar në Berat dhe Korçë me respektivisht 9 faturime gjithsej.

Në raport me vitin paraardhës, dëmi është më i ulët, edhe pse numri i abonentëve është më i madh, pasi gjatë vitit 2023 ishin 680 konsumatorë të kapur në shkelje me një vlerë faturimi prej rreth 197 milionë lekë.

Penalizimi me “gjobë kilovatësh” për të gjithë ata që vjedhin energjinë elektrike aplikohet që nga viti 2020, duke konvertuar në lekë sasinë e energjisë së konsumuar në formë të paligjshme. Ndërkaq, sipas rregullores në fuqi çdo përdorues i rrjetit ka mundësi për t’u ankuar pranë Operatorit të Sistemit të Shpërndarjes apo Entit Rregullator të Energjisë, në rast se kundërshton faturën e dëmit ekonomik të vendosur.

Gjatë vitit 2024, ERE ka trajtuar 21 ankesa, ose 15 % të totalit.

LEXONI GJITHASHTU:

• Konflikti pranë zyrës elektorale, reagon PSD e Tom Doshit
• Berisha takohet me kryeministrin e Maqedonisë së Veriut, zbardhen diskutimet