Pse Rama ka fokusuar fushatën te gratë? Nurellari analizon arsyet

Politologu Adri Nurellari ishte këtë të mërkurë i ftuar në “Barometri” në Euronews Albania ku ka komentuar rritjen e pëlqyeshmërisë së grave për kryeministrin Edi Rama. Ai tha se Rama e ka bazuar fushatën kryesisht te gratë, pasi sipas tij në Shqipëri ka më shumë gra, pasi burrat dhe të rinjtë po largohen në emigrim.

“Ne kemi një emigracion të jashtëzakonshëm i cili është kryesisht mashkullor. Nga studimet 30% e atyre që emigrojnë janë vajza ose gra ndërsa shumica e atyre që emigrojnë janë burrat edhe djemtë. Pra rezidentë në Shqipëri ka më shumë gra e vajza se sa djem, ndërsa pjesëmarrja e tyre në votime është më e ulët se e djemtë.

Nëse ka një hapësirë kur kryeministri mund të shkojë të kërkojë vota janë vajzat e gratë. Sa i përket të rinjve zoti Rama ka menduar diçka më inteligjente, ka menduar të hap një aeroport të ri për të shkuar në Gjermani, ka hapur autostradë për të ikur në Gjermani. Pra për rininë oferta është ikni, ndërsa për gratë jep këto ngjyrat”,-tha Nurellari.

LEXONI GJITHASHTU:

• Barometri/ Ja si do të ndaheshin 37 mandatet e Tiranës, sipas matjes së dytë
• Matjet e Barometrit/ Si po shkojnë gjërat në vendin tonë? Shqiptarët të ndarë në mes