Euronews Albania siguron rezultatin e kutive të tjera të numëruara në Vorë

Euronews Albania ka siguruar rezultatet dhe të dy kutive të tjera në qytetin e Vorës, ku është aplikuar votimi elektronik.

Në Qendrën e Votimit nr. 1557/01/02, janë numëruar 162 vota, nga 1000 zgjedhës të regjistruar, duke shënuar një pjesëmarrje prej 16.2%. Sipas të dhënave zyrtare, 2 vota janë shpallur të pavlefshme.

Nga votat e vlefshme, rezulton se Koalicioni “Partia Demokratike – Aleanca për Shqipërinë Madhështore (PD-ASHM)” ka marrë 36 vota, ndërsa Partia Socialiste e Shqipërisë (PS) ka siguruar 105 vota.

Koalicioni Nisma Shqipëria Bëhet ka siguruar 6 vota, PSD 3 vota, Koalicioni Djathtas për Zhvillim 1 votë, Partia Mundësia 6 vota, Lëvizja Bashkë 2 vota, Partia Aleanca Kombëtare Shqiptare 1 votë.

Ndërkohë në Qendrën e Votimit nr. 1557/01/01, Koalicioni Partia Demokratike – Aleanca për Shqipërinë Madhështore (PD-ASHM) ka 46 vota.

Ndërkohë, Partia Socialiste e Shqipërisë (PS) ka marrë 76 vota.

Koalicioni Nisma Shqipëria Bëhet ka siguruar 4 vota, PSD 4 vota, Koalicioni Djathtas për Zhvillim 1 votë, Partia Mundësia 2 vota dhe Lëvizja Bashkë 1 votë.

Kujtojmë se në Vorë ka përfunduar numërimi elektronik por rezultati do të publikohet ditën e nesërme në bazë të kërkesës të bërë nga Partia Demokratike.

Simpaztizantët socialistë nisën festimet në Vorë duke hedhur fishekzjarrë, por deklaruan për kamerën e Euronews Albania se nuk kishin dijeni për rezultatin por festoni se e ndjenin fitoren.

LEXONI GJITHASHTU:

• Mbyllet votimi, KQZ nuk ka publikuar ende pjesëmarrjen: Rezultati deri në orën 18:00
• Numërimi elektronik në Vorë, Euronews Albania siguron rezultatet e kutive të para