“Këshilli Bashkiak ta shkarkojë Veliajn”, Manjani-Bashës: E vetmja mënyrë është…

Të ftuar në “Now me Erla Mëhillin”, eksperti i sigurisë Faik Basha dhe juristi Ylli Manjani kanë diskutuar këtë të enjte lidhur me mënyrën se si mund të largohet Erion Veliaj nga posti i kryetarit të bashkisë së Tiranës.

Faik Basha tha se “Këshilli Bashkiak duhet ta shkarkojë Erion Veliajn dhe Këshilli i Ministrave duhet të shpallë vendin vakant”.

“Një institucion që ka peshë të rëndësishme në jetën e qytetarëve të qëndrojë pa drejtues për më shumë se tre muaj, për mua është kolaps”,-tha Basha.

Juristi Manjani tha se kjo nuk do të ishte një zgjidhje ligjore, pasi kjo do të zvarritej, sepse Veliaj do e ankimonte në Gjykatën Kushtetuese dhe koha do kalonte.

Sipas Manjanit e vetmja mënyrë që Veliaj të largohej nga Bashkia e Tiranës, është që ai vetë të japë dorëheqjen.

“E vetmja mënyrë që Bashkia e Tiranës të shkojë në zgjedhje është që Erion Veliaj të jap dorëheqjen, të konstatohet vendi vakant e më pas të mbahen zgjedhjet. Kjo është e vetmja mënyrë e shpejtë, praktike, politike dhe pa debat”,-tha Manjani.

LEXONI GJITHASHTU:

• Po lëvizte me një artefakt antik me skuter, arrestohet turisti gjerman në Romë
• Akuza e re e SPAK për Veliajn, avokatët: Pasuria e sekuestruar s’është e tyre