Iu fut në banesë dhe tentoi të rrëmbejë 18-vjeçaren, arrestohet i riu në Elbasan

Një 38-vjeçar është arrestuar nga Policia e Elbasanit, pasi akuzohet se ka tentuar të rrëmbejë me forcë një vajzë 18-vjeçare, në rrethana ende të paqarta.

Sipas kallëzimit të të resë, autori është futur pa dëshirën e saj në banesë, e ka goditur me shpullë dhe ka tentuar ta marrë me forcë. Policia njofton se pas verifikimeve rezultoi se i dyshuari, shtetasi E. K., është person me precedent penal në fushën e vjedhjes.

“Specialistët për Hetimin e Krimeve të Komisariatit të Policisë Gramsh arrestuan në flagrancë shtetasin E. K., 38 vjeç, banues në Gramsh. Arrestimi i tij u bë pasi ka kallëzuar një 18-vjeçare se i është futur pa dëshirë në banesë, e ka goditur dhe ka tentuar ta marrë me forcë. Nga verifikimet e kryera rezultoi se shtetasi E. K. ka precedent penal në fushën e vjedhjes,” thuhet në njoftimin zyrtar të Policisë së Shtetit.

Materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Elbasan, ndërsa hetimet për zbardhjen e plotë të rrethanave të ngjarjes vijojnë nën drejtimin e Prokurorisë.

LEXONI GJITHASHTU:

• Goditet rrjeti i prostitucionit në Vlorë, në kërkim një 29-vjeçare braziliane
• Shfrytëzonin vajza të huaja për prostitucion, arrestohen dy shtetasit turq në Tiranë